سيناريو الرايس قورصو الحلقة الأولى مسربة Rais Korsso EP 01 ~ Ara-Atech

سيناريو الرايس قورصو الحلقة الأولى مسربة Rais Korsso EP 01

MAX DE PARTAGE

الرايس قورصو

(الحلقة الأولى)

سيناريو و حوار :

عمار يزلي

أنس تينا

المشهد الأول

- الصورة تتقدم من الخلف إلي الأمام حتي تتوقف عند شخص أربعيني جالس في مقدمة السفينة يسند قدميه فوق سور السفينة ويضع قدم فوق الاَخري، يرتدي قبعة ويدخن البايب، شعره طويل ويتدلي علي شكل ضفائر بالطريقة الأفريقية، بينما ذقنه حمراء اللون وتتدلي علي شكل ضفائر كشعر رأسه، وعند أعلي ذراعة وشم ملكي، قبل أن يستدير علي خلفية صوت ينادي عليه

صوتen off

(ينادي) :

يالرايس..يالرايس.. يالرايس..

- الصورة تنتقل إلي صاحب الصوت شخص ثلاثيني، هو القرصان فليشة - أنس تينا -الصديق الصدوق للقرصان الرايس قرصو، والذي يقوم بتقليده في مظهره حتي في ضفائر ، قبل أن يسقط أرضاً وهي عادة فيه، فهو غبي لأبعد الحدود،

- ينهض كابتن الرايس قرصو من مكانه، ليساعد صديقه علي النهوض، وعندما يقترب منه ليأخذ بيده، نجد فليشة يعطي له التحية العسكرية وهو ساقط أرضاً، فيبادله كابتن الرايس قرصو التحية بأن يضرب بقدمه بشدة ويرفع يده ليحييه، لكن فليشة يرتعب من صوت قدم الرايس قرصو عندما يضرب بها أرضية السفينة

الرايس:

وشبيك فليتشة تالق روحك لي بيرات تاع دنيا كامل عندهومcoequipier مليح غيرأنا بلاني ربي بيك

شد شوية ليكيليبر ديالك... راك كي الجاجة....

فليشة:

انا جاجة شاف .... معليش منلومكش .... علابالي راك فلابريسيون

الرايس:

وين راني فلابريسيون راني متشختشخ أنا .... أنت لي راك تشطح وحدك

فليشة:

هدا قاع الحابس تاع الدنفيل من نهار شد volan ليكيب، كامل راهي ....

الرايس:

متعينيش وش تسحق

فليشة :

شاف.. عندي خبر مليح

الرايس :

نتا جيب خبر مليح مليح....نعرفك ...منهارشفتك مازاد طل عليا ربح..

فليشة :

شاف تسما كل يوم تحصل فيا ...نتا كل يوم تبحرنا ف طريقو ماقولنالك والو..

الرايس :

فليتشة!!...ايا شد فومك دوك آل واحد ييييييي

فليشة :

نا كي نجيب خبر نجيب آلصحيح ...جيت باش نقولك آل بابور لي قتلك عليه.راه قريب علينا ..و راح يجووز منا علا ...اليمنى

- يشير بيده ناحية اليسار

الرايس :

بصح هادي اليسرى

فليشة :

) يشوف ف يدو( ...تسما نتا شديتلي فهادي يجووز منا وخلاص

الرايس(منفعلا) :

نتا اليمنى معرفتهاش تحوس نتبعك باينة ياخ اليمنى لي تاكل بيها

فليشة :

شاف أنا ناكل ب 2 يدين تسما عندى 2 يمنات ( و يبدأ بالضحك كأنه قال نكتة مضحكة ..... الكل ينظر إليه بإستغراب...... ثم يتفطن انها اضحكته وحده فيبرر )

شوية ضحك راك تعرف نديرو l ambiance

الرايس :

ماتعيينيش ..كمل حكايتك

فليشة :

لموهم راني سور هاد آل بابور معمر ..ب آلدهب .... ايييي ديجا راني نشم ف ريحة آللوييز ....و

كرافاش بوولاحيا...وفرامج و شيكولا ( بتأثر)

الرايس:

آآآ هاد الشي فيها ماكلة ... تسما كرشك داخلة فيها ..... المهم مادام راك سور فيها ذهب ... ليكيب وجدو روحكم

تقطعميجو فتاة ثلاثينية جميلة لكنها ترتدي نفس ملابس القراصنة وتتعامل كأنها رجل، وتغار عليه حتي من أصدقائه، وهي متهورة في ردود فعلها لدرجة الجنون، كما أن علاقتها ب فليشة أشبه بالقط والفأر، لأن كل منهما يغار علي الرايسمن الاَخر، وعندما تقترب إلي الرايستقوم بإزاحة فليشةوتقف مكانه في مواجهة الرايس،

ميسو:

شاف منك صاح...ماتسمعش كلام هاد المفريني البابور الي راهو جاي كان ما كان...الفيران مالقاوش واش ياكلوا فيه....علاش نبيراتيوه ... تاخودرايي.لازم..نكملوو..آلطريق

فليشة:

رايك آ مسيو....و آلله غير تاخير زامان ....مرا ولاعندها...راي....في وقت آلرجال ولله ماتحطي

..رجليك ف آلبابور...

سردينة:

وش ماعنتها هادي تسما رايس ماشي راجل..

آلرايس:

ايا فليشا قادر روحك وش هاد آل هادرا ...حنا ماشيرجال وآلا كيفاش..لوكان ماشي شوية قدرليكيباج...ولله غير ننننننن( يجي رايح يخدعو بكف )

سردينة:

بصح شاف علابالآك بلي آلمرا فوق آلبابور هيا لي تجيب آلنحس

آلرايس:

تسما دوك انا يا نتبع مرا دكية ..بصح مرا ...ولا نتبعحابس كيما نتا

آلرايس )يخمم ثم يقرر: (

قرار جمهوري ..قرصاني ..بعد آلمشاوارت مع

روحي....قررت نزآدمو علي آلبابور...

وييييييييي ليكيباج كامل ب لاراج....و خداوج

ساكتا...

المشهد 2

- يقفز الرايس قرصو برشاقة من سفينته إلي المركب الطعام للاستيلاء عليه، كما أرشدهم فليشة، حيث تدور معركة بالسيوف تساعده فيها ميسو ودنفيل و السردينة، بينما فليشة الذي كان ينوي الهجوم بمفرده، نجده يختبئ خلف أحد الصناديق الموجودة علي المركب خوفاً من الاشتباك، وبعد انتهاء

المعركة التي تتم بشكل في غاية الإبهار والإثارة والتشويق والجاذبية، يسيطر كابتن الرايس قرصو علي السفينة، ليظهر سيكو من المخبأ وهو ينفض يديه ويقول

فليشة:

يا محاينك قتلت ماكالرايس قرصوم واحد 60 واحد .... اللخراني خدعني ماللور لحقلي السيف حتى لرقبتي و نبلوكيه بسناني .. و نجيبو بآلاداررقبتوطرطقتهالو

الرايس :

نتا تطرطقلو رقبتو .... أيا روح تلعب بعيد ... رحم على الدنفيل الله يبارك ( ويبدا الرايس يمس فالعضلات تاع الدنفيل ) شوف ليموسكل ياه

فريق الرايس واقفون معهم بعض الأسرى .... يبدأ الرايس خطاب النصر

الرايس :

بسم الله الرحمان الرحيم الحرب تاع اليوم مافيها لا تاكتيك لا والو ... اليوم ربحناهم

بالقلب

كل الفريق :

ااااا

الرايس :

نوعدكم إن شاء الله ببريم مليحة الشهر الجاي

كل الفريق :

اااااااا

الرايس :

الحرب هادي ربحناها كيف كيف ... كاين شي ناس ( يظهر فليشة ) نعرفوهم مادابيهم

كي يحكيو على الحرب ماكالاه يكذبو و مايطيحولناش مجاهدين كبار ( كل الفريق

يخزر في فليشة و هو مهبط راسو ) و كلي دارو الحرب وحدهم ... انا مارانيش

نمعني على فليشة ... أنا هدرت برك راك تسمع فليشة

الفريق :

جيش شعب معاك يا الرايس

- نرى صندوقين. هناك جنديان يأتيان بصندوق ثالث ويضعان بجانب الصناديق. هناك

3 صناديق. الرايس وفرقته ينظرون إلى الصناديق وهم سعداء.

فليشة :

تستعرفو بييا شفتو المخابارات تاعي

ميسو:

أنا مفهمتش كيفاه مي راني نشم ريحة عيانة

الرايس :

آلدهب آلدهب هادا يامسيو

الرايس (يحاول أن يجرب ذكاء فريقه)

كيفاش نفيقو وش كاين ؟

سردينة:

شاف

الرايس :

وي تفضل سردينة

سردينة:

مارانيش سور من هاد الحل بصح جابلي ربي نفتحو الصندوق

- الكل ينظر إليه وكانه جاء بالحل

- يفتحون الصناديق. فرقة الرايس في صدمة نفسية.... الصناديق مليئة

غبار البقري

الرايس :

وش هادا وين راه الذهب و الفضة ؟؟؟؟

جندي:

هادي غوبرا تاع آلبقرينصدروها مليحا للزراعة

الرايس :

شكون قال هاذ السفينة فيها الذهب؟

- الكل ينظر إلى فليشة

سردينة:

اتسمى اليوم ما عندي مانطيبلكم....شقينا باطل...

الرايس :

سردينة راك تخمم على الطياب ...علابالك ستاتيستيكمون و إيكونوميكمون شحال رانا خاسرين بهاد الحرب بلا فايدة نتا راك تخمم على الطياب

-يقترب صالحرجل الحكمة ... يتكلم مثل ولاد لبلاد اي القصبة من كابتن الرايس قرصو

صالح:

قيس قبل ما تغيسيا وليدو ، في هاد الدنيا لازم تقرا حسابك قبل ما تشمر على يديك....شاور عقلك قبل ماتديك رجليك....خوذ حذرك أو ماتخليش الهوا الي جي يديك....

كابتن الرايس قرصو:

عمي الصالح نتا ربيتني و علابالي بلي عندك الحكمة اللي منفهوماش .. طيح النيفو على حسابي وفهمني

صالح:

غدتني يا وليدو و أنا نشوف فيك قرصان .. رغم أنو بلاصتك تاع الصح سلطان فوق العرش

الرايس ينظر إليه

المشهد 3

الصمت يخيم على السوق.

باعة وتجار في السوق.

نقرأ على وجوه الناس وأشكالهم علامات البؤس، التجارة راكدة.

ينكسر الصمت عند تجمع لبعض الأفراد من كل الشكل والأعمار قبالة جدار

الجدارمدهون باللون الأزرق (يشبه تماما صفحة الفايسبوك) مكتوب عليه العبارات التالية على

شكل الهشتاق:

( # باراكات عيينا ..روما والا نتوما....)

degage##بزاف

وتحت هذه الشعارات مرسومةعلامةالإعجابأولايك.

أحد الحاضرين:

مسعود:

ياخويا ماعلابالي ب حتا واحد ..عيينا منهم....جام و جادور لهاد آلهدرا....ديقاج للملكهارون

الحاضرون

(في فوضى):

ايه..ايهdegage degage

الباعة بأصوات متداخلة:

بركات بركات المعيشة راهي تزاقات...بركات بركات مع هارون لحياة فنات

Enoffأقدام خيول تقترب.

يلتفت الجميع ويسكتون، يبدو عليهم الخوف.

جلول وزير الدولة يقود بعض العساكر على خيولهم مدججين بالسلاح يقتربون من الجمع.

جلول يتميز عن باقي العساكر بلباسه، من على الخوذة التي على رأسه تتدلى ريشة كبيرة.

يصل الموكب العسكري الى حيث التجمع حول الحائط الأزرق.

يحدق فيهم جلول بنظرة حاقدة.

جلول:

امالة.. ديقاج و باراكات..اهه

مسعود:

يه عيينا م هاد آلفساد

جلول ينفعل.. يضعه يده على مقبض سيفه.

المشهد 4

ميسو:

شفت كفاش ما نعرف شكون لي وجه آلنحس دوك

فليشة:

انا سمعت لحم تاع آلبقري ماشي غبار تاع آلبقري

ميسو:

شفت كفاش ما نعرف شكون لي وجه آلنحس دوك

فليشة:

انا سمعت لحم تاع آلبقري ماشي غبار تاع آلبقري

ميسو:

لوكان ماشي شوية الواحد يقتلك و يتهنا

- فليشة (ساكت)

- ميسو تتركه و تدور ذاهبة

فليشة (مخاطبا ميسو):

والله غير نخسرلك وجهك

ميسو تعود:

وشنو

فليشة:

مانيش معاك راني على سردينة (ثم يكمل فليشة الكلام و كأنه كان يكلم سردينة ) و الله غير نهلكلك جدك أنا

سردينة :

ماقدرتلهاش ترجع زعافك علييا

الرايس:

اسكتو علينا نتوما لي يتبعكم ياكلو آلواد

فجأة تنطلق مجموعة من السهام في اتجاههم.

ينتبه الرايس الى شيء ما، وبحركة رشيقة وسريعة يلتقط غطاء صندوق مرمي أمامه، لتصطدم

به السهام.

سفينة بها أعلام سوداء تقترب منهم.

يقفز منها شخص غريب الملامح، وهو القرصان مهند (الملقب ب، الروجي)، وحوله بعض رجاله

الأشداء، والذين يحاصرون الرايس.

الرايس:

(مرحبا)

مهندزارتنا براكة..واش هاد آلدخلة كل ما تشووفني ديركت هاكدا تبدا ب لفليشات

مهندالقرصان:

تحرش بيياترحب بييا ف تيريتوار تاعي نتا واقيل محبيتش تحشم ..تسما شاك واه اكدا

الرايس:

او سبحان الله هادي جهة تاعك ..مالا سور لابوسول دارتها بييا

فليشة:

هدا هو مهند ... زعما طايحلنا شباب و ماعلاباليش آخرتها أنا شباب عليك

الفريق :

إشارات التردد

الدنفيل :

لالا حاجة الزين الواحد ميكذبش ... لاباس

ميسو :

راك حاب تقول نتا شباب عليه

فليشة :

ياخي جايحة الصح فالجمال الداخلي ... أنا عندي جمال الروح .. و جمال وليد حومتو ( أو خالتي ) ... ( نظرة غبية لفليشة عندما يخرج عن الموضوع )

علابالي مقستهاش

الرايس :

فليشة روح تعوم ولا كاش ما .... المهم روح تروح

مهند:

راك تدور مع هاد الحابس علابيها وجهك صحيح...حياتي كامل و انا نبهدل فيك ...و قلبك بارد

- الرايس يقترب من مهند يمسكه من ذراعه ويبتعد به بعيدا عن الرجال.

الرايس(بمكر):

بركا ماديرلي سمير قدام ليكيب ...خسارا عليك ..انا لوكان نحكمك..ف جيهتي ...كاشما راحنقولك....

جيهتي هييا جهتك ..

مهند:

انا ماتحكمنيش خاطرش..انا نحترم قوانين ..لي بيرات ..و مانتعداش علا حرمات.آلبحر..كما راهم يديرو شي ناس..

آلرايس:

خسارة عليك مهندانت في بالك جي هنا على جال هاد البابور المتبتشقياودي لكان ماشي لابوسول ...انا نجي هنا ....

مهند:

دايمن تبلعطني و تقولبني فالهدرة

آلرايس:

آآه يا خويا مهند ... راك داير حالة ... كامل يموتو عليك ... كاين وحد صاحبي ...ختو جابت وليد...سماتوا عليك.... .. نعرف واحد.... مزعوق ما يشبه لوالو يعيطولو مهند ... شغل يحرشو بيه ... من قوة ... ماشي شباب كامل ههههه

مهند(يضحك ) :

هههه مراض نتوما والله غير وحدكم

- المشهد 5

- عندما يرى الرجل1الوزير جلول واضعا يده على سيفه يغير الموضوع مستدركا الموقف.

مسعود (يغير الحديث):

باراكات م هاد آلمفسيدين لي راهم يتاقيوو يخمجونا ف آل حيط...

- يقوم جلول بارجاع السيف إلي مكانه، وهو يهز رأسه

البائعون يتنفسون الصعداء ويؤيدون زميلهم :

يحيا السلطان هارون.. يحيا السلطان هارون..

فجأة موحا يرمي بحجر لتصيب خوذة الوزير جلول وتسقط من فوق رأسه.

الحاضرون يضحكون تحت أنوفهم

يهرول موحا نحو الخوذة، (يحتل الرصيف المقابلللحائط الأزرق دائما)،يرفع الخوذة ويضعها على رأسه تحت الضحكات المستمرة للحاضرين.

ينزل رجال الوزير جلول و يمسكون موحا الذي ينهالون عليه ضربا، ويأخذون منه

الخوذة.

ينزل الوزير جلول.

موحا:

خلاص سي آلوازير ..انا كي شفت آلريشا عمبالي حماما..حبيت نصيدها..

واحد من آلحرس:

سي آلوزير هاد مهبوول ما تديش عليه.

موحا:

أنا ما نيش مهبول..أنتم هم المهابيل..!هايليك قزديرتك..نرجعهالك..

الوزير جلول:

هذي ليك كادو.. على بالك بلي جلول يحي الشعب؟..

موحا:

هادي والله ماعلابي بيها ..بصح علابالي بلي الشعب مايحبش

جلول ...و (يضحك ضحكة غريبة)

الوزير جلول يشعر بالحرج، يركب حصانه ويبتعد هو ورجاله.

عندما يبتعد جلول

يعود الشعب للغناء :

جلول الموستاش لا قرايا لا ستاج..... أويييي مامامييا

المشهد 6

الرايس يجلس على مقدمة السفينه في حالة صمت و حنين و حزن .. يتحسس ذراعه الذى به رمز الدم الملكى .. ميسو تراه شاردا تحاول الذهاب له .. صالح أمقران يمنعها بلطف..

الرايس قورصو:

معليش الشغل المليح ايطول....حقروني هادي مدة و سنين بصح حقي جايبوا جايبوا....مايهمنيش واش خسرت اهمني واش رايح نربح.... كذبوا على الناس و قالولهم مت ... هوما كذبوا مليح بصح الوقت ايجيب الصحيح

(لا عليه، العمل الجيد كما يقال.. يطول. ظلموني طيلة أعوام، لكن حقي سأعيده حتما. لا يهمني ما خسرت، يهمني ما سأربح. كذبوا على الناس وقالوا مت..هم قد كذبوا جيدا..لكن الوقت سيأتي بالحقيقي.)

المشهد 7

الصورة تستعرض القصر الملكي بخامته وبذخه، والحرس الضخم، حتي تتوقف علي وجه السلطان هارون 50 عاماً وهو نائم في فراشه الملكي، ويحرك وجهه يميناً ويساراً مفزوعاً، ويبدو أنه يحلم بكابوس.

المشهد 8

- يجلس الرايس مع صالح وهو يسأله عن أحوال المملكة

الرايس:

كيفاش راهي الحالة في المملكة صالح ؟ واش راهم يحكوا ؟

صالح:

الدعوة ماهيش تشكر

الرايس:

راه غايضني الشعب لي راه يعاني مع السلطان هارون يا عمي صالح أمقران

صالح:

يا سبحان الله انت فولة و تقسمت من يماك المرحومة السلطانة حبيبة الي كانت تعز اللقمة على روحها و تمدها لشعبها...

الرايس:

منكدبش عليك راني خايف

صالح :

دير في بالك بلي داخل المملكة مارهمش قع مع هارون كاين الي راهم ضدوا و يستناو الفرصة باش اينحوه من العرش

الرايس:

أحكي لي يا صالح، قربت ساعة الصح ومابقاش وقت اللي نستناوه

صالح:

يماك السلطانة حبيبة، تأخرت باش تولد ، هي قالت لباباك السلطان لازم تتزوج واتجيب ولي العهد باش المملكة ماتبقاش بلا ولي العهد وهي اللي اختارتلو زوجتو ،،

الرايس:

هي أختارت له الزوجة؟

صالح:

اختارتلة صيفتها العالية اللي مكانش اللي يعرفلها أصل وبالحيلة والخديعة انتاعها قدرت تلحق لواش تحب ،، كانت تحس بالنقص من يماك السلطانة حبيبة بنت العائلة المالكة بنت الأصل

لرايس:

كانت جارية ولت مرت السلطان؟

صالح:

،، من جارية ولات مرت السلطان! ،، وولدتلو هارون وحليمة ،، هارون ، هو كيما يماه على خاطر هي رباتهم على الكره والحقد والغيرة ،،

الرايس:

وأنا؟ منين جيت؟..واش من جهة جيت منها؟..

صالح:

راني جايك! حملت يماك حبيبة وكامل الناس صاروا يقولو ،، هذا هو ولي العهد ،، ومكانش اللي كان يحب العالية والا ولادها ،، وثما زادت العالية وكرّهت أولادها فيك

الرايس:

و من بعد وش صرا؟

يتنهد صالح ويهم سرد بقية القصة

المشهد 9

- بطريقة الفلاش باك، تظهر تفاصيل الكابوس المفزع للسلطان هارون، بحيث تظهر الصورة بالأبيض والأسود، ونستعرض السماء قبل الغروب والتي تبدو ملبدة بالغيوم والجو لا يوحي بأن الأمور ستسير علي ما يرام، حتى تستقر الصورة على ذراع سمير 12عاماً، ويظهر منقوشاً إسمه علي ذراعه، كما هو متبع مع أفراد العائلة المالكة، قبل أن نجد هذا الطفل الذكى سريع الحركة يتبارز برشاقة، بسيوف خشبية مع جلول الذي يكبره بخمس سنوات، ويبدو عليه الذعر والخوف، حتي يقوم سمير بإسقاط السيف من يد جلول ثم يرفع سيفه وكأنه سينهال به علي رقبةجلول، الذي يركع علي أقدامه مذعوراً، فيضحك سمير، وهو يدير ظهره لجلول علي كلمات الثناء من معلمه ومربيه صالح 40 عاماً، وضحكات العمال بالمركب على ما فعله سمير بجلول، وسط متابعة العالية وهي خالة جلول وأم هارون وهي زوجة السلطان عبد الحميد الثاني، كانت وصيفة الملكة حبيبة والدة سمير، والعالية لا تطيق سمير ودايماً نظراتها له مليئة بالحقد والغل والكراهية، فهي متأكدة إن وجوده سيحول دون تربع ابنها هارون علي كرسي العرش خلفاً لوالده، بينما هارون 17 عاماً يقف صامتاً متربصاً دون تدخل.

- فجأة ينهض جلول ويمسك بالسيف الخشبي محاولاً مهاجمة سمير من الخلف، لكن سمير يفاجأ بجلول باستدارته فجأة ويوجيه ضربة قوية لجلول فوق حاجبه، فيصاب جلولبجرح عميق

سمير (الرايس وهو صغير):

بلاك تزيد تعاودها ،، ياخواف ،، الخوافين هوما اللي يضربو فالظهر ،، الرجال يتقابلو الوجه للوجه ،، فاس آفاس

المشهد 10

- السلطان هارون في فراشه الملكي مفزوعاً في منامه مما يشاهده حيث الماضي يطارده، وهو يهذي أثناء نومه

هارون:

ايه ايه بشير خواف ،، عندك الحق سمير بشير خواف والخواف يضرب فالظهر

المشهد 11

- عاليا والدة هارون، جالسة فوق كرسي فخم يشبه كرسي العرش فوق سطح المركب، والتي تتحرك باتجاه جلول، فور قيام سمير بضربه، وهي تعنف سمير

العاليا:

(تعنف سمير)

العالية:

هاذي تربية الزنقه ماشي... يا عجابة تضرب وليد خالك و تسيلوا الدم قدام خوك الكبيرهارون ولي العهد .... اسمع اتربى شوية راك هبلتنا معاك...

- سمير ينظر بحدة إلى عاليا وهو يحدثها بثقة وحسم، وقد جاء نسره ليقف علي كتفه، وكأنه استمد قوة وثقة نظراته من مخالطة النسور

سمير:

هو لي حابس عامبالي خفيف ... ديجا انا ماشي أمير أنا ولي العهد ماشي هارونو جلول هادا وليد خوك ... و براني مفهمتش وش راه يدير هنا فبابور يما الله يرحمها

- تحاول عاليا السيطرة علي أعصابها وتخفيف الأمر حتى لا تتعرض للإحراج من سمير أكثر من ذلك

العالية:

وليت تعرف تهدر آآآ

- ينظر سمير محدثاً النسر علي كتفه ساخراً، قبل أن يوجه حديثه بشكل مقتضب إلي عاليا

سمير:

انت كنتي قرصونة ليما السلطانة حبيبة الله يرحمها ويتزوج بيك بابا غير باش تولدي وولدتي كيما انت كيما القطة ،، بصح باين بللي عايلتكم ماتولد غير الفيران

المشهد 12

- عودة إلي المشهد السادس (القصر الملكي)

- هارون واصل هذيانه وهو نائماً بينما جسمه كله يرتعش

هارون:

فيران ،، فيران ،، فيران كامل فيران

المشهد 13

- الجو انقلب، السماء تبرق وترعد، والبحر هائج الأمواج، مع هطول غزير للأمطار، وحركة غير عادية علي سطح المركب، جميع العمال منشغلون وخائفون من الغرق، وبينما هارون يتابع ذلك وهو خائف ممسكاً بيديه

بشدة بحواف المركب، نجد سمير يتحرك لمساعدة الرجال، بلا خوف، بينما عاليا تنظر يميناً ويساراً لتتابع الحركة علي المركب، وبعدما تتأكد من خلو المكان، تنادي علي سمير بشكل إستغاثة.

هارون:

يا سمير،، ياسمير ،، اجري لينا رانا تبردينا

- عدتهلهاولبشير لإنقاذ هارون الذي يكاد يسقط من المركب

العالية:

يدك معنا يا ولي العهد نسلكو خوك هارون

- يقف هارون علي حافة المركب ممسكاً بأحد الأحبال بعد أن دفعه الموج، ويبدو عليه الرعب حيث أنه علي وشك السقوط

سمير:

مانخليش عليك ياهارون ،، جيب يدك ،، ماتخافش ،، ارمي يدك نحكمك ،، ماتخافش

- يصعد سمير بجوار شقيقه الأكبر هارون ويمسك به وهو يطمئنه ويدفعه إلى داخل المركب، ثم يستدير مستطلعاً حالة البحر، لحظتها تنظر عاليا إلي جلول وهي تهز رأسها، فيقومان بدفع سمير من الخلف بقوة ليسقط في البحر، معتقدين أن لم يراهم أحد علي المركب، لكن فجأة يظهر صالح معلم سمير ومربيه ويجري مهرولاً إلي مكان سقوط سمير

صالح :

ياستار ياستار ،،

- ينتظر لحظة يعاين مكان سقوط سمير ثم

، يلقي بنفسه خلفه محاولاً إنقاذه، لكن البحر يبتلعهما، وعاليا تنظر من المركب للتأكد من غرقهما معاً، ثم تستدير وهي تحتضن ابنها هارون وابن اخيها جلول

عاليا:

اتهنينا منو الله لا يردوامبروك عليك عرش المملكة، وانت جلولمبروك عليك بنتي حليمة انتيا

ليها و هي ليك.

المشهد 14

- عودة إلي المشهد السادس

- يصحو السلطان هارون مفزوعاً من نومه، والحرس قد التفوا حوله

هارون:

وين راه الخواف ،، جيبولي الخواف ،، ماعلى بالكمش شكون الخواف ،، عيطولي لجلول ،، وين راه جلول

المشهد 15

الصورة تستعرض رجل ثلاثيني يُدعي توتو ترتسم إبتسامة نفاق علي ملامحه، هو مسئول المراسم بالقصر، والذي لا يفعل شيئاً سوي اللعب علي الجميع، ونجده واقفاً بجوار السلطان هارون في حديقة القصر، ويخرج منديلاً يجفف للسلطان جبينه، ثم يُشم المنديل وهو يقول

توتو:

يا ربي لعزيز واش هاد الريحة الشابة....( يتنفس بعمق ) هذا ماشي عرق هذا مسك حر

هارون:

صحيت صحيت توتو ،، خليني ضركة راني مهول من منام شفتو ،، الله يستر

توتو:

بعيد الشر عليك مولاي...

- يقوم توتو بالبكاء وهو يردد

توتو:

يا مولاي السلطان ربي ايحليلك الليام و يكثرلك الفرحة في المنام و ايبعد عليك العديان....

- يصل جلول ابن عم السلطان وزوج شقيقته حليمة، وهو قائد العسس الداخلي والخارجي في المملكةيهرول توتو ناحيته للترحيب به، وهو يقول

توتو:

سيد الرجال راهو جا... السي جلول أو ربي ايبعد عليه الشر و يكثرلوا في حياتو الخير و الخير

- جلول يربت علي كتف توتو معجباً بنفاقه، ثم يتجه ناحية السلطان، فينحني للسلام عليه

جلول:

مولاي هارون .. واش راك ؟

- السلطان هارون يهز رأسه دون أن ينطق

توتو يتدخل:

ماراهوش مليح...دار كوشمار... وين كانوا الحراس دياولك باش ايبعدوا عليه هاد المنامات الي طيح المورال و تعيش الانسان في دومار....

السلطان هارون:

كي شفت سليم فالمنام تفكرت كيفاش عطاك طريحة لكلاب....

- يضحك السلطان بطريقة مستفزة، وهو يضع يده علي اَثار الجرح القديم في حاجب جلول جراء ضربة سمير له

السلطان هارون:

بصح خلى فيك مارة ماراحتش من سنين....

جلول:

ماشي المارة انتاعو هذي ،، هذي طيحة طحتها في الحمام...الكياس خلى الصابون في الارض زلقت...

المهم هو تهنينا منو و انا الي عاونتك.... وراسك... ننساو الماضي و خلينا نشوفو شوية في المستقبل...

السلطان هارون:

ماعونتنيش باطل....ماتنساش بللي انت تديت المكافئة انتاعك وتزوجت بأختي حليمة ووليت نسيب السلطان وزير الدولة....

جلول:

دايمن تفكرني فهاد لحكايةماقلنا والو...

المشهد 16

أمام البحر تجلس صحراء 39 عاماً الأميرة الرقيقة المتأصلة التي تحظي بحب شعبي غير عادي، هنا مكانها المفضل بعيداً عن صراعات القصر المحتدمة، هي زوجة السلطان بأمر عائلي لكنها ام تنسي أبداً صداقة الطفولة سمير، تتمتع صحراء بصوت عذب، وتحب الموسيقي والغناء وأمام البحر تقوم بالغناء

صحراء:

(تردد اختيارأغنيةمنالتراثالجزائريالقديم)

قرصاني غنم:

- تفاجأ بمن يشاركها الغناء، وهو شقيقها كريم، في الثلاثينيات من العمر، والذي يجلس

بجانبها وهو يغني أيضا، ينهيان الأغنية في جو مرح.

كريم :

إييهه راكي زاهية ياه .... الحالة راهي مخروبة فالمملكة على جال راجلك هارون وجماعتو و لالة راهي قرصاني غنم

صحراء (مذعورة):

لوكان وليد خالتي سمير لي راه حاكم ماتصراش هكدا ... كيما الحابس تاع رويجلي

كريم:

هارون حابس ياو هداك مرحي على لابوري .... تزوج بيك باش ترضا العايلة المالكة ... و عزيزة ربح بيها صحاب الشكارة و أفراح ريقلا بيها جماعة لطيف و تقولي حابس ... ياو هدا

tequenicien supérieur

صحراء:

pfffff

خلينا منهم.. ما تسمطلناش هذي القعدة الرومنسية..

المشهد 17

سفينه الرايس قرصو تقطع عرض البحر في قوه وسرعه..

الجميع على السفينه كل منهم في حاله يعمل في صمت .. وجد

فجاءه يقف فليتشة قاطعها الحاله صائحا من اعلى السارىة ..

فليتشة:

الجزيره ... الجزيره

- فليتشة يغمز للرايس علامة النجاح .. الرايس يبادلة النظرات بعدم الفهم و الاندهاش مما يراه..

من وجهة نظر الرايس قرصو نرى جزيره عجيبه تخترق الضباب بشكل غايه في الجمال و لكنها مخيفه.